- 2017-04-23 00:29:03
- ព័ត៌មាន
និស្សិតឆ្នើមៗផ្នែកវិទ្យាសាស្រ្តប្តេជ្ញាចិត្ត ដណ្តើមយកមេដាយមាសពីម៉ាឡេស៊ី
- 2017-04-23 00:29:03
- ចំនួនមតិ 0 | ចំនួនចែករំលែក 0
និស្សិតឆ្នើមៗផ្នែកវិទ្យាសាស្រ្តប្តេជ្ញាចិត្ត ដណ្តើមយកមេដាយមាសពីម៉ាឡេស៊ី
ចន្លោះមិនឃើញ
និស្សិតឆ្នើមៗមិនតិចជាង ២៥ នាក់រួមជាមួយសាស្រ្តាចារ្យផ្នែកវិទ្យាសាស្រ្តពីសាកលវិទ្យាល័យន័រតុន ព្រឹកមិញនេះបានចេញទៅចូលរួមសន្និសិទ្ធអន្តរជាតិស្ដីពី “ការស្រាវជ្រាវ និងការបង្កើតថ្មី” ផ្នែកវិទ្យាសាស្រ្តនៅទីក្រុងកូឡាឡាំពួរ ប្រទេសម៉ាឡេសុី។ និស្សិតទាំងនោះមានមកពីផ្នែកអគ្គិសនីនិងអេឡិចត្រូនិក និងផ្នែកវិទ្យាសាស្រ្តកុំព្យូទ័រ។
សាស្រ្តចារ្យផ្នែកវិទ្យាសាស្រ្តលោក ឈឿង រចនា ដែលមានតួនាទីដឹកនាំក្រុមនិស្សិតទៅចូលរួមបានឲ្យ Sabay ដឹងថា សន្និសិទ្ធអន្តរជាតិលើកទី១ ស្ដីពី “ការស្រាវជ្រាវ និងការបង្កើតថ្មី” ផ្នែកវិទ្យាសាស្រ្តដែលរៀបចំនៅប្រទេសម៉ាឡេសុី មានប្រទេសចំនួន ១៦ ចូលរួម។ កម្មវិធីនេះមានការលើកយកគម្រោងស្នាដៃផ្នែកវិទ្យាសាស្រ្ត និងបច្ចេកវិទ្យាធ្វើការប្រកួតប្រជែងគ្នា។
លោកសាស្រ្តាចារ្យបានបញ្ជាក់ថា ក្រុមនិស្សិតរបស់លោកបានយកគម្រោងសរុបចំនួន ៦ ចូលរួមប្រកួតប្រជែងក្នុងនោះមានគម្រោង ៣ របស់និស្សិតផ្នែកអគ្គីសនី និងអេឡិតត្រូនិច និង ៣ ទៀតផ្នែកវិទ្យាសាស្រ្តកុំព្យូទ័រ។
លោករំពឹងថា តាមរយៈការខិតខំប្រឹងប្រឹង គម្រោងស្នាដៃដែលបានសម្រិតសម្រាំងយកទៅប្រកួតប្រជែង នឹងអាចដណ្តើមបានមេដាយនិងពានកិត្តិយសដើម្បីមុខមាត់ជាតិនិងសាលារៀន។
និស្សិុតផ្នែកអគ្គីសនី និងអេឡិតត្រូនិច វ៉ាត ម៉េងលី ជាសមាជិកក្រុមម្នាក់ក្នុងចំណោមនិស្សិតឆ្នើមៗទាំង ២៥ រូប បាននាំគម្រោងថ្មីមួយមានឈ្មោះថា ប្រព័ន្ធវិភាគទិន្នន័យពីអគ្គីភ័យតាមរយៈ GPRS/GSM ទៅចូលរួមប្រកួតប្រជែង។
ម៉េងលី ដែលចូលរួមជាលើកទីមួយបានបេ្តជ្ញាចិត្តក្នុងការដណ្តើមមេដាយ បើទោះបីដឹងថាការប្រកួតនេះជួបការលំបាកដែលមានការប្រកួតប្រជែងពីបេក្ខជនមកពីបណ្តាប្រទេសជាច្រើនទៀត។
គួរបញ្ជាក់ថា គម្រោងសរុបចំនួន ៦ ដែលសាកលវិទ្យាល័យន័រតុនបញ្ជូនទៅចូលរួម ក្នុងនោះមាន ៣ គម្រោងរបស់និស្សិតផ្នែកអគ្គីសនី និងអេឡិតត្រូនិចក្នុងនោះរួមមាន៖
ចំណែក ៣ គម្រោងទៀតជារបស់ផ្នែកវិទ្យាសាស្រ្តកុំព្យូទ័ររួមមាន៖
