មិនឃើញបែកធ្លាយអីផង ស្ងាត់ៗគេដាក់លក់ Mate SE តម្លៃក្រោម ៣០០ ដុល្លារ

2018-02-18 00:45:00
ព័ត៌មាន

2018-02-18 00:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពី ២៤ ម៉ោងមុននៅលើគណនី Twitter លោក Evan Blass បានបង្ហោះរូបភាព ២ សន្លឹក ដាក់ឈ្មោះថាជា Huawei Mate SE រូបរាងវាស្រដៀង Honor 8 Pro និង 7X។ មិនបានប៉ុន្មានផងផុសនោះក៏ត្រូវបានលុបចេញវិញ ដែលធ្វើឲ្យរាល់គ្នាឆ្ងល់តើវាជា សិស្សប្អូនត្រកូល 8 Pro ដែរ ឬក៏ជាសិស្សប្អូន Mate 10 បានជាតម្លៃធូរថ្លៃម្ល៉េះ?

Mate SE លក់លើ Amazon

យោងតាមប្រភពព័ត៌មាន បានឲ្យដឹងថា ក្រុមហ៊ុនផលិតស្មាតហ្វូនប្រទេសចិន Huawei មិនទាន់ប្រកាសចេញលក់ Mate SE នៅឡើយទេ។ យ៉ាងណាក្ដី នៅលើគណនីលោក Roland Quandt បានបង្ហោះលើគេហទំព័រលក់ដូរឥវ៉ាន់អនឡាញ Amazon ឃើញមានដាក់លក់ Mate SE (Factory Unlocked Phone) ដែលមានលេខម៉ាស៊ីន BND-L34 ជាមួយតម្លៃ ២៤៩ ដុល្លារ(នៅសហរដ្ឋអាមេរិក)។

Mate SE ពណ៌ប្រផេះ

ចំពោះលក្ខណៈសម្បត្តិ Mate SE ត្រូវបានគេដឹងថា បំពាក់មកជាមួយអេក្រង់ទំហំ ៥.៩៣ អ៊ីញកម្រិតបង្ហាញរូបភាព ១០៨០ ភិចសែល បំពាក់បន្ទះឈីប Kirin 659 មានកាមេរ៉ាពីរគ្រាប់ខាងក្រោយទំហំ ១៦ មេហ្គានិង ២ មេហ្គាភិចសែល។ Mate Seដែលបែកធ្លាយនេះឃើញមាន ២ ពណ៌គឺ ពណ៌ប្រផេះ និងពណ៌ មាស។ ចំពោះថ្ងៃចេញលក់ផ្លូវការក្រុមការងារនឹងចុះផ្សាយនៅពេលក្រោយ៕