ក្រសួងអបរំយុវជន និងកីឡា បានឲ្យដឹងនៅថ្ងៃនេះ ស្ដីពីការផ្ដល់អាហារូបករណ៍១០០% ចំនួន៧៥ កន្លែង ក្នុងនោះ ២០កន្លែង ត្រូវបានផ្តល់ជូនពីឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីនៃក្រសួងអប់រំ យុវជន និងកីឡា និង ៥៥កន្លែងផ្សេងទៀត ត្រូវបានផ្ដល់ដោយ វិទ្យាស្ថាន ថាក់ គ្លូប៊ល (Tux Global Institute -TGI)។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ការផ្ដល់អាហារូបករណ៍នេះ នឹងត្រូវទៅសិក្សានៅវិទ្យាស្ថាន ថាក់ គ្លូប៊ល (Tux Global Institute -TGI) ឯកទេសអប់រំលើបច្ចេកវិទ្យា និងវិស្វកម្ម ទទួលមូលនិធិពីប្រទេសជប៉ុន ជំនាញចំនួន៣ ដូចជា៖

1. UX/UI Design
2. Digital Marketing
3. App/Web Design

• ចុះឈ្មោះតាមតំណ៖ https://bit.ly/tgischolarshipapplication

• ផុតកំណត់ទទួលពាក្យ៖ ថ្ងៃទី២១ ខែសីហា ឆ្នាំ២០២១ វេលាម៉ោង ៥:០០ ល្ងាច

• សម្រាប់ព័ត៌មានលម្អិត៖ kossoma.nuon@gmail.com ទូរសព្ទ៖ 078880099

សូមបញ្ជាក់ផងដែរថា វិទ្យាស្ថាន ថាក់ គ្លូប៊ល គឺជាវិទ្យាស្ថានបណ្តុះបណ្តាល ដែលទទួលមូលនិធិពីប្រទេសជប៉ុន ក្នុងគោលបំណងផ្តល់ការអប់រំដោយមិនគិតថ្លៃ លើជំនាញផ្នែកបច្ចេកវិទ្យាឌីឥជីថល ដល់សិស្សានុសិស្សទាំងអស់ដែលមានសមត្ថភាព និងសក្តានុពល។ កម្មវិធីសិក្សា ត្រូវបានរៀបចំឡើងសម្រាប់ពង្រឹងទាំងជំនាញទន់ និងរឹង ដែលចាំបាច់សម្រាប់អនាគតរបស់ពួកគេ។ ក្រោយបញ្ចប់ការសិក្សា និស្សិតនឹងក្លាយជាធនធានមនុស្សយ៉ាងពិតប្រាកដសម្រាប់ប្រទេស ព្រមទាំងអាចប្រកួតប្រជែងជាមួយ ទីផ្សារការងារក្នុងតំបន់ និងអន្តរជាតិ។