- 2017-03-01 21:34:29
- ព័ត៌មាន
ស្ព័រដូចគ្នា តម្លៃប្រហាក់ប្រហែលគ្នា ចេញលក់ថ្ងៃតែមួយរវាង AMG និង Panamera
- 2017-03-01 21:34:29
- ចំនួនមតិ 0 | ចំនួនចែករំលែក 0
ស្ព័រដូចគ្នា តម្លៃប្រហាក់ប្រហែលគ្នា ចេញលក់ថ្ងៃតែមួយរវាង AMG និង Panamera
ចន្លោះមិនឃើញ
Mercedes-Benz ម៉ូឌែល AMG GT និង Porsche Panamera ស៊េរីឆ្នាំ ២០១៧ ជារថយន្តស្ព័រទំនើប ទើបមានវត្តមានលើទីផ្សារក្នុងស្រុកថ្មីៗនេះ ឃើញថាមានចំណុចគួរឲ្យចាប់អារម្មណ៍ច្រើនដូចជា តម្លៃ ការឌឺហ្សាញរូបរាង លក្ខណៈបច្ចេកទេស និងគុណសម្បត្តិ។ អ្វីជាការចៃដន្យបំផុតនោះគឺរថយន្តទំនើបស៊េរីកប់ទាំងពីរម៉ូដែលនេះចេញលក់ថ្ងៃតែមួយដូចគ្នា។
ក្រុមការងារនឹងលើកយកលក្ខណៈបច្ចេកទេស និង គុណសម្បតិ្តខ្លះៗទាំងនោះមកធ្វើការបង្ហាញជូន។
លក្ខណៈបច្ចេកទេសខ្លះៗរបស់ Porsche Panamera
លក្ខណៈបច្ចេកទេសខ្លះៗរបស់ AMG GT 2017
គុណសម្បត្តិ
Porsche Panamera ស៊េរីឆ្នាំ ២០១៧ បំពាក់មកជាមួយម៉ាសុីនប្រភេទ Turbo ចំណុះ ៤លីត្រ V8 twin-turbo កម្លាំង ៥៥០សេះដែលកម្លាំងនេះ ត្រូវគេទទួលស្គាល់ជារថយន្តប្រភេទទេសចរណ៍ (Sedan) លឿនជាងគេបំផុត។ វាមានប្រវែងវែងជាងជំនាន់មុន ៣៥ មិល្លីម៉ែត្រ និងកម្ពស់ព្រមទាំងទទឹងខ្ពស់ជាង៥មិល្លីម៉ែត្រ កង់ច្នៃបែនអក្សរ Y ១០កាំ ។ ឯតួខ្លួនផលិតពីសារធាតុអាលុយមីញ៉ូម ជាមួយនិងការរចនាប្រព័ន្ធភ្លើងដាក់ចង្កៀងមុខក្រោយប្រភេទអំពូល LED ភ្លឺច្បាស់ទាបល្មម មិនចាំងភ្នែកអ្នកដទៃនោះទេ ងាយស្រួលបើកបរក្នុងពេលយប់។
Mercedes AMG GT ស៊េរីឆ្នាំ បំពាក់មកជាមួយម៉ាសុីនប្រភេទ "One man One Engine" មានន័យថា ជាប្រភេទម៉ាសុីនឡានប្រណាំងដែលតម្លើងយ៉ាងយកចិត្តទុកដាក់បំផុត មិនប្រើរូប៉ូតតម្លើងនោះទេ ពោលគឺប្រើកម្លាំងមនុស្សតែម្នាក់គត់ដើម្បីតម្លើងម៉ាសុីន។ ឯការរចនាប្រព័ន្ធភ្លើងអំពូលភ្លើងមុខ-ក្រោយជាប្រភេទ Xenon ភ្លឺខ្លាំងជាងប្រភេទ LED ពីរដង បំពាក់សុីមាំងឌុប ឯតួខ្លួនផ្នែកខាងក្នុងផលិតពីសារធាតុុកាបូនយ៉ាងប្រណិតត្រូវចិត្តអ្នកដែលនិយមលេងឡានប្រភេទប្រណាំង។
បើសរុបជារួមគុណសម្បត្តិខាងលើឃើញថា ឡានទាំងពីរនេះមាន កម្លាំងសេះ សន្ទុះល្បឿន តម្លៃ និងកម្រិតសុីសាំងតិចបំផុតមិនចាញ់គ្នាប៉ុន្មានទេ ដោយចំណាយរយៈពេលជាមធ្យមតែ ៩ លីត្រប៉ុណ្ណោះក្នុងចំងាយដីលាត ១០០ គីឡូម៉ែត្រ៕
