ដឹងពីបញ្ហាសុខភាពកាន់តែងាយស្រួល មិនបាច់ខ្វល់ចំណាយទទួលសេវាសុខភាពទៀតទេ

2017-07-20 00:02:24
ព័ត៌មាន

2017-07-20 00:02:24
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីតាមដានព័ត៌មានសុខភាព Sokhakrom ជាកម្មវិធីផ្ដល់ចំណេះដឹងតំហែទាំសុខភាព និងព័ត៌មានសុខភាពផ្សេងៗទៀត ដែលបង្កើតដោយសហគ្រិនវ័យក្មេង បានដាក់ឲ្យប្រើប្រាស់ដោយឥតគិតថ្លៃ។

លោក សុខ សុភមង្គល នាយកប្រតិបត្តិ Codingate

លោក សុខ សុភមង្គលសហស្ថាបនិកកម្មវិធី សុខក្រម បានឲ្យ Sabay ដឹងថា សុខក្រម ជាបចេ្ចកវិទ្យាថ្មីមួយដែលមានទាំង Applications, Website, Facebook Page និងកម្មវិធីគ្រប់គ្រងប្រវត្តិអ្នកជម្ងឺ មានឈ្មោះ Patient Relationship Management system ដែលចូលរួមចំណែកក្នុងការបង្កើនទំនុកចិត្តដល់វិស័យសុខាភិបាល ដោយសារអ្នកអាចស្វែងរកព័ត៌មានមួយចំនួនទាក់ទងនឹងសុខភាពដែលអាចជឿទុកចិត្តបាន នឹងអាចចែករំលែកចំណេះដឹងទាំងនេះទៅកាន់បងប្អូន មិត្តភក្តិបានផងដែរ។

គោលបំណងសំខាន់ក្នុងការបង្កើតកម្មវិធីសុខក្រមគឺ៖

ចូលរួមចំណែកលើកស្ទួយវិស័យសុខាភិបាល
ចែករំលែកចំណេះដឹងអំពីសុខភាព
កាត់បន្ថយការចំណាយក្នុងការទទួលសេវាសុខភាព
ចូលរួម បង្កើនទំនុកចិត្តប្រជាជនទៅលើវិស័យសុខាភិបាល។

កម្មវិធីសុខក្រម

រាលទិន្នន័យដែលបានបញ្ចូលក្នុងកម្មវិធីសុខក្រម ត្រូវបានឆ្លងកាត់ការត្រួតពិនិត្យពីសំណាក់ក្រុមការងារសុខក្រម និងដកស្រង់ចេញពីប្រភពច្បាស់លាស់ដូចជា មន្ទីរពេទ្យ ដែលមានឈ្មោះចុះបញ្ជីត្រឹមត្រូវ និងអ្នកជំនាញផ្នែកវេជ្ជសាស្រ្តច្បាស់លាស់ផងដែរ។

មុខងារពិសេសៗនៃកម្មវិធីសុខក្រម អ្នកទាំងអស់គ្នាងាយស្រួលស្វែងរកគ្រូពេទ្យដែលមានជំនាញច្បាស់លាស់ ងាយស្រួលរកទិញនៅតាមឧសថស្ថាននានា និងងាយស្រួលរកសេវាមន្ទីរពេទ្យសម្រាកព្យាបាលដែលនៅជិតបានផងដែរ។

បញ្ជាក់ដែរថា កម្មវិធីសុខក្រម ផ្ទុកទៅដោយទិន្នន័យមួយចំនួនដូចជា រុក្ខជាតិដែលគេយកទៅផ្សំធ្វើឧសថ ថ្នាំពេទ្យ ប្រវត្តិអ្នកជំនាញផ្នែកវេជ្ជសាស្រ្ត ស្ថាប័នផ្ដល់សេវាវេជ្ជសាស្រ្ត ចំណេះដឹងក្នុងការតំហែទាំសុខភាព និងព័ត៌មានសុខភាពផ្សេងៗទៀត៕