មិន​ទាន់​មួយ​ខែ​ស្រួល​បួល​ផង Suzuki បាន​ចេញ​ម៉ូតូ​ស៊េរី​ថ្មី ៣ ម៉ូដែល​ទៅ​ហើយ​ត្រឹម​ពាក់​កណ្ដាល​ឆ្នាំ ២០១៧នេះ​។ បន្ទាប់​ពី​ចេញ Nex 2018 កាល​ពីរ​អាទិត្យ​មុន​ Suzuki បាន​ចេញ​ម៉ូដែល​ថ្មី​ពីរ​ទៀត​គឺ Suzuki Let's និង Suzuki Smash 2018 កាល​ពី​ម្សិលមិញ។

ទាំង Suzuki Let's និង Smash ជា​ស៊េរី​ម៉ូតូ​ធុន​មធ្យម​ដែល​លក់​តម្លៃ​ក្រោម ២ ០០០ ដុល្លារ។

Suzuki Let's ដែល​បាន​ចេញ​លក់​លើ​ទីផ្សារ​ប្រទេស​កម្ពុជា​នៅ​ឆ្នាំ​២០១៣ សម្រាប់​ស៊េរី​ថ្មី​មាន​ការ​អាប់ដេត​មួយ​ចំនួន​ដូចជា៖​

• តែម​រចនា​បែប​ថ្មី​​
• ចង្កៀង​មុខ​បន្ថែម​ផ្ទៃ​ខៀវ
• កុងទ័រ​រចនា​ពណ៌​ថ្មី​ប្លែក
• ចង្កៀង​ភ្លើងស៊ីញ៉ូ​ថ្មី​មាន​ពណ៌​ខៀវ
• កែប​ប្រភេទ​ស្បែក​​រចនា​ថ្មី​ពីរ​ពណ៌
• ម៉ាស៊ីន​ប្រភេទ LEaP Technology
• មាន​កម្លាំង​ម៉ាស៊ីន​112.7cc
• Logo ​FI ខាម​មុខ​ផុស​ប្រភេទ​3D
• មាន ៣ ពណ៍​គឺ​ពណ៌​ស ពណ៌​សខៀវ​ និង​ពណ៌​សក្រហម

Smash ក៏​ជា​ម៉ូតូ​ស៊ីប្រេន​មួយ​ទៀត​របស់ Suzuki ដែល​ចេញលក់​ជា​ច្រើនជំនាន់​តាំង​ពី​ឆ្នាំ​២០១០។ សម្រាប់ស៊េរី​ថ្មី ទោះ​បី​រូបរាង​មិនមានការ​ផ្លាស់ប្តូរ​ច្រើន ប៉ុន្តែ​វា​បាន​​បន្ថែមការ​រចនា​ពិសេស​ថ្មី​មួយ​ចំនួន​ដែរ។

• តែម​សង​ខាង​រចនា​ម៉ូត​ថ្មី
• កុងទ័រ​រចនា​ម៉ូត​ថ្មី
• កែប​ប្រភេទ​ស្បែក​​រចនា​ថ្មី​ពីរ​ពណ៌
• មាន​កម្លាំង​ម៉ាស៊ីន ​113cc
• មាន​ទម្ងន់​ស្រាល​​ត្រឹម​ ៩៩ ​គីឡូ
• ចំណុះ​ធុង​សាំង ​​៤.៥ លីត្រ​
• មាន​បន្ថែម​ពីរ​ពណ៌​ដែល​ហៅថា​Two-Tone
• មាន ​៣ ​ពណ៌​គឺ​ពណ៌​ខ្មៅ​ពណ៌​សរ​និង​ពណ៌​ខ្មៅ​ក្រហម