មកដឹងតម្លៃ Honda CB150R ស៊េរី ២០១៨ លក់នៅទីផ្សារស្រុកថៃ និងកម្ពុជា

2017-12-09 23:46:00
ព័ត៌មាន

2017-12-09 23:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ូតូធំរាងឡូយធន់កណ្ដាលកម្លាំងម៉ាស៊ីន 150cc របស់ក្រុមហ៊ុន Honda ដែលទើបនឹងលេចមុខក្នុងពិពរណ៌ម៉ូតូ-រថយន្តប្រចាំប្រទេសថៃកាលពីសប្តាហ៍មុន ពេលនេះមកដល់ទីផ្សារក្នុងស្រុកហើយ។

តាមការឲ្យដឹងពីអ្នកគ្រប់គ្រងទីផ្សារម៉ូតូ Honda ក្នុងពិពរណ៌ប្រទេសថៃ បានឲ្យដឹងថា CB 150R ដាក់លក់ក្នុងប្រទេសថៃមានពីរប្រភេទគឺ CB150R ម៉ូឌែល Street Cafe តម្លៃប្រហែល ១៣៥,២០០ បាតខ្ទង់ ៤ ០០០ ដុល្លារ និង CB150R ម៉ូឌែល Scramble Cafe តម្លៃប្រហែល ១១៨,៤០០ បាតខ្ទង់ ៣ ៥០០០ ដុល្លារ។

លោកសីហា អ្នកលក់ម៉ូតូនៅម្ដុំគិរីរម្យបានឲ្យដឹងថា តម្លៃ CB150R ម៉ូឌែល Street Cafe ដែលកំពុងដាក់លក់នៅលើទីផ្សារខ្ទង់ប្រមាណជា ៣ ៣៥០ ឬ ៣ ៥០០ ដុល្លារ ហើយមាន២ពណ៌ ពណ៌ស្លែចាស់ និងពណ៌ក្រហម។

លក្ខណៈសម្បត្តិរបស់ CB 150R

ភ្លើងចង្កៀងមុខរាងមូលស្ទីល Sport Cafe បំពាក់ប្រព័ន្ធភ្លើង LED
ធុងសាំងធំ ព្រមទាំងគម្របបែប AIRPLANE TANK CAP
កុងទ័រFull LCD បញ្ចេញភ្លើងប្រាប់ពីដំណើរការគ្រប់តួនាទី
Function ប្រាប់គ្រប់តួនាទី បង្ហាញពីគុណសម្បត្តិម៉ាស៊ីន គុណសម្បត្តិនៃការសន្សំសំចៃ និងកំណត់ពេលវេលាបើកបរ
បំពង់ស៊ីម៉ាំងខ្លី ជិតម៉ាស៊ីន ជួយប្រមូលកម្លាំងឲ្យនៅចំណុចកណ្ដាល និងមានលំនឹង
កម្លាំងម៉ាស៊ីន 150CC ចលនាម៉ាស៊ីន ៤តង់ ប្រភេទ ROLLER ROCKER ARM
ធុងទឹករចនារូបរាងផ្ដល់ប្រសិទ្ធិភាពរំភាយកម្ដៅបានល្អ
Swing arm មានទម្ងន់ស្រាល ប៉ុន្តែរឹងមាំធន់បានយូរ
តួម៉ូតូ រចនាម៉ូដរាងគ្រាប់ពេជ្រ ដើម្បីរក្សាទម្ងន់ឲ្យមានតុល្យភាព
បូមទំហំ ៤១ម.ម កាត់បន្ថយការប៉ះទង្គិចរាល់ការបើកបរ និងគ្រប់គ្រងបានគ្រប់កាលៈទេសៈ
ឌីសហ្វ្រាំងមុខបែប Radial Mount ចានហ្វ្រាំងញែកដាច់ ទំហំ ២៩៦ម.ម ព្រមជាមួយ Caliper 4 Pot