A8 និង A8+ ២០១៨ កាមេរ៉ាភ្លោះ ដាក់ឲ្យកម្មង់ទិញហើយ មើលឲ្យច្បាស់សិន មុនគិតគូរ

2018-01-08 22:02:27
ផលិតផលថ្មី

2018-01-08 22:02:27
ចំនួនមតិ 0 | ចំនួនចែករំលែក 0

ចន្លោះមិនឃើញ

Samsung កម្ពុជាបានប្រកាសចេញម៉ូឌែលថ្មីមួយទៀតគឺ A8 និង A8+ ឆ្នាំ ២០១៨ ហើយក៏អនុញ្ញាត្តិឲ្យអ្នកគាំទ្រដែលស្រលាញ់ត្រកូល A អាចធ្វើការកម្មង់ទិញទុកមុនចាប់ពីថ្ងៃទី ៥ ដល់ ១៥ ខែមករាដើមឆ្នាំនេះ។ ឥឡូវងាកមកមើលចំណុចពិសេសៗដែល Samsung បានបន្ថែមលើស៊េរី A ថ្មីនេះ។

ការរចនារូបរាង

A8| A8+

ស្មាតហ្វូនធុនកណ្ដាលត្រកូល A ទាំងពីរម៉ូឌែលចេញឆ្នាំនេះ មានការរចនារូបរាងខុសប្លែកពីរាល់ដងធ្វើឲ្យអ្នកគាំទ្រពេញចិត្តស្ដុកតែម្ដង ដោយសារវាបំពាក់មកជាមួយអេក្រង់លាតស្ទើរពេញតួខ្លួនជាប្រភេទអេក្រង់ Infinity Display ដំបូងគេរបស់ Samsung ជាមួយការផ្ទៃខាងក្រោយស្រោបដោយលោហៈធាតុ គ្មានប៊ូតុង Home ទៀតផងពេលកាន់ទៅមានអារម្មណ៍ថា ដូចកាន់សិស្សច្បង S8 អីចឹងដែរ។

កាមេរ៉ា

ចំណុចនេះអាចថា ទាក់ចិត្តអ្នកប្រើត្រកូល A មុនគេដោយសារឆ្នាំនេះ ក្រុមហ៊ុនបានបំពាក់កាមេរ៉ាខាងមុខដល់ទៅ ២ គ្រាប់ ភ្ជាប់ជាមួយមុខងារ Live Focus ដោយមួយគ្រាប់ទំហំ ១៦ មេហ្គាភិចស៊ែល កម្រិត Aperture f/1.9 និងមួយគ្រាប់ទៀតទំហំ ៨ មេហ្គាភិចស៊ែល កម្រិត Aperture f/1.9 ដូចគ្នា។

កាមេរ៉ាភ្លោះមុខនេះរួមបញ្ចូលគ្នា ធ្វើឲ្យគុណភាពរូបថត Selfie របស់អ្នកប្លែកនិងស្អាតជាងមុន ព្រោះវាមានសមត្ថភាពថតព្រាលផ្ទៃខាងក្រោយបានល្អ និងសាច់រូបភាពភ្លឺម៉ត់ច្បាស់ ហើយវាក៏ដើរតួជា Sensor សម្រាប់មុខងារដោះសោរដោយស្គេនមុខផងដែរ។

ចំពោះកាមេរ៉ាខាងក្រោយត្រូវបានបំពាក់មកនូវស៊េនស័រកាមេរ៉ាទំហំ ១៦ មេហ្គាភិចស៊ែល ដែលចាប់រូបភាពនៅក្នុងទំហំ ១,៤ មៃក្រូនភិចស៊ែល និងមានកម្រិតពន្លឺ Aperture f/1.7 ដែលជាកម្រិតភ្លឺល្អសម្រាប់ការថតរូបភាពនៅទីកន្លែងមានពន្លឺទាប។

កម្លាំងម៉ាស៊ីន

ត្បិតថាត្រកូល A ទាំងពីរនេះមានឈ្មោះជាស្មាតហ្វូនធុនកណ្ដាលក្នុងចំណោមស្មាតហ្វូនដទៃទៀតរបស់ Samsung ក៏ពិតមែន ប៉ុន្តែកម្លាំងម៉ាស៊ីនវិញក៏មិនចាញ់គេណាស់ណាដែរ។ Galaxy ពីរម៉ូឌែលនេះខុសគ្នាតែទំហំអេក្រង់ប៉ុណ្ណោះគឺ A8 ទំហំ ៥,៦ អ៊ីញ A8+ ទំហំ ៦ អ៊ិញនិងបំពាក់មកជាមួយ៖

អេក្រង់ទំហំ ៦ អ៊ីញ ប្រភេទ Super AMOLED
អាចបង្ហាញរូបក្នុងកម្រិត 1080 x 2220 ភីកសែល
ដំណើរការដោយ Android Nougat 7.1.1
ប្រើបន្ទះឈីបប្រភេទ Exynos 7885
មាន CPU Octa-Core 64-bit មានល្បឿន 1.6 GHz
RAM ទំហំ 4GB និង 6GB សម្រាប់ម៉ូឌែល A8+
Memory ម៉ាស៊ីនទំហំ 32GB ឬ 64GB
មានរន្ធសម្រាប់ដោតមេមូរីកាតអាចបន្ថែមដល់ 256GB
A8 មានថ្មទំហំ 3,000 mAh និង A8+ មានថ្មទំហំ 3,500 mAh ហើយប្រើប្រាស់រន្ធសាកថ្ម USB-C
មានបំពាក់បច្ចេកវិទ្យាកម្រិតការពារទឹក IP68
កន្លែងស្កេនម្រាមដៃនៅខាងក្រោយ

តម្លៃ

ចំណុចនេះក៏ធ្វើឲ្យអ្នកគាំទ្រភ្ញាក់ផ្អើលមិនស្ទើរដែរ ព្រោះជាធម្មតា Galaxy ត្រកូល A ចេញរាល់ឆ្នាំមិនដែលលើសពី ៣០០ ដុល្លារនោះទេ ប៉ុន្តែដោយឡែកឆ្នាំនេះ Samsung ដាក់តម្លៃកម្មង់ទិញទុកមុនជាមួយតម្លៃ Galaxy A8 ៤៥៩ ដុល្លារ ឯ Galaxy A8+ តម្លៃ ៥៥៩ ដុល្លារ។

ត្បិតតែតម្លៃនេះរាងខ្ពស់បន្តិចមែន តែបើក្រឡេកមើលសមត្ថភាពវិញក៏សាកសមគ្នាដែរ ព្រោះវាបានបំពាក់បន្ថែមកម្លាំងម៉ាស៊ីនខ្លាំងជាងមុន នឹងបច្ចកវិទ្យាថ្មីជាងមុនលើស្មាតហ្វូនត្រកូល A ស៊េរីឆ្នាំ ២០១៨ នេះ៕