Audi ទាត់ចោលគម្រោងលក់ Ducati ទោះគេឲ្យថ្លៃ ១,១ ប៊ីលានដុល្លារ

2017-12-15 01:53:54
ព័ត៌មាន

2017-12-15 01:53:54
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Rupert Stadler នាយកប្រតិបត្តិរបស់ Audi បានប្រកាសតាមទីភ្នាក់ងារព័ត៌មាន Reuter យ៉ាងច្បាស់ថា ក្រុមហ៊ុនរបស់លោក សម្រេចទាត់ចោលគម្រោងលក់សង្វាក់ផលិតកម្មម៉ូតូស្ព័រ Ducati ក្នុងរង្វង់ទឹកប្រាក់ប្រមាណ ១,១ ប៊ីលានដុល្លារ។

គម្រោងលក់ Ducati នេះ កើតឡើងក្នុងឆ្នាំ ២០១២ ខណៈ Volkswagen ដែលជាមេសម្ព័ន្ធរបស់ Audi និង Ducati ត្រូវការបង្កើនខ្ទង់ចំណាយយ៉ាងច្រើនសន្ធឹកសន្ធាប់ ដើម្បីទូទាត់ថ្លៃសំណងដល់អតិថិជនដែលប្រឈមបញ្ហាបច្ចេកទេសរបស់រថយន្ត Volkswagen។

ប៉ុន្តែគម្រោងនេះ នៅតែលក់មិនចេញ ហើយមកដល់ពេលនេះស្របពេលនឹងកំណើនលក់ផលិតផលក្រុមហ៊ុនបុត្រសម្ព័ន្ធស្ទើរទាំងអស់របស់ Volkswagen ទើបនាយកប្រតិបត្តិរបស់ Audi ប្រកាសទាត់ចោលតែម្ដង៕